能夠同枱食飯就係一種緣份，但多年前冬至飯局後正式決裂嘅呢一家人，係咪就此緣散？

《過時・過節》係曾慶宏導演嘅首部作品，並取材自佢嘅親身經歷同對家庭嘅睇法。導演連同一眾演員現身接受訪問時，除咗分享片場趣事難忘事，亦紛紛表示認同一家人正因為最親近，有啲嘢更難以啟齒，亦更容易產生過節，所以體諒同溝通係尤其重要。 要化解彼此之間嘅過節，再喺冬至一齊好好過節——呢一部係總有人會從中搵到自己嘅影子、有共鳴嘅家庭電影。